విజయవాడలో MDMA డ్రగ్స్: రాజస్థాన్ యువకులు అరెస్ట్, సరఫరాదారు హరీష్ పరారీ

విజయవాడ వన్ టౌన్ శాషయ్య వీధిలో MDMA డ్రగ్స్ అమ్ముతున్న రాజస్థాన్కు చెందిన ఇద్దరు యువకులను పోలీసులు అరెస్ట్ చేశారు. నిందితులు మంగీలాల్, షైతాన్ అనే వారు స్థానిక స్టీల్ దుకాణంలో పని చేస్తూ డ్రగ్స్ అమ్ముతున్నారు.

ఇద్దరూ రాజస్థాన్కు చెందిన వేరొక వ్యక్తి హరీష్ ద్వారా డ్రగ్స్ సేకరిస్తున్నారు. హరీష్ బెంగళూరు నుండి MDMA తెచ్చి విజయవాడలో అమ్మించేవాడని పోలీసులు తెలిపారు. గత ఏడాదిగా ఈ నెట్‌వర్క్ నడుస్తున్నట్లు దర్యాప్తులో వెలుగులోకి వచ్చింది.

అరెస్ట్ సమయంలో 6 గ్రాముల MDMA స్వాధీనం చేసుకున్నారు. ఇద్దరు నిందితులకు drug test చేయగా negative వచ్చింది. విజయవాడ వన్ టౌన్, task force పోలీసులు కొన్ని రోజులు నిఘా పెట్టిన తర్వాత ఈ అరెస్ట్ జరిగింది.

ప్రధాన నిందితుడు హరీష్ పరారీలో ఉన్నాడు. అతన్ని పట్టుకోవడానికి ప్రత్యేక బృందాలు బెంగళూరు వెళ్లాయి. విజయవాడకు MDMA సరఫరా బెంగళూరు కేంద్రంగా జరుగుతోందని గతంలో పట్టుపడిన కేసుల్లో కూడా గుర్తించారు.

డ్రగ్స్ కొనుగోలుదారుల్లో విద్యార్థులు ఉన్నారా, ఇతర నెట్‌వర్క్‌లు పనిచేస్తున్నాయా అనే విషయాలపై పోలీసులు లోతైన దర్యాప్తు చేపట్టారు.