విజయవాడ బస్ స్టాండ్‌లో ఈదురు గాలుల బీభత్సం.. భారీ చెట్లు కూలిపోయాయి

విజయవాడలో నిన్న రాత్రి 50 నుంచి 80 కిలోమీటర్ల వేగంతో ఈదురు గాలులు వీచాయి. భారీ వర్షంతో పాటు సుమారు రెండు గంటల పాటు ఈ వాతావరణ పరిస్థితి కొనసాగింది.

పండిట్ నెహ్రూ బస్ స్టాండ్ డిపో ప్రాంతంలో మూడు నాలుగు భారీ చెట్లు వేళ్ళతో సహా కూలిపోయాయి. RTC ఉద్యోగులు, ప్రయాణికులు భయభ్రాంతుల గురయ్యారు. రాత్రి 11 గంటల సమయంలో ఈ సంఘటన జరిగింది. ఆ సమయంలో బస్సులు, వాహనాలు తక్కువగా ఉన్నందున ప్రాణ నష్టం, గాయాలు జరగలేదు.

నగరంలోని పలు ప్రాంతాల్లో విద్యుత్ స్తంభాలు, చిన్న చెట్లు కూడా కూలాయి. భారీ వర్షం వల్ల రాత్రి నగరంలో జనజీవనం స్తంభించింది. మున్సిపల్ కార్పొరేషన్ సిబ్బంది చెట్ల తొలగింపు పనులు చేపట్టారు.