వికారాబాద్ రైల్వే స్టేషన్‌లో 30 కిలోల గంజాయి స్వాధీనం, ఇద్దరు అరెస్ట్

వికారాబాద్ రైల్వే స్టేషన్ సమీపంలో పోలీసులు 30 కిలోల గంజాయిని స్వాధీనం చేసుకున్నారు. ఈ కేసులో ఇద్దరు నిందితులను అరెస్ట్ చేసి, NDPS చట్టం కింద కేసు నమోదు చేశారు.

అనుమానాస్పదంగా సంచరిస్తున్న ఇద్దరు వ్యక్తులను పట్టుకుని విచారించగా, వారి వద్ద గంజాయి దొరికింది. నిందితులు కళాబాబు (9 కిలోలు), రామహరి (20 కిలోలు) గా గుర్తించారు. వీరు ఒడిస్సా రాష్ట్రంలోని గాంజం జిల్లాకు చెందిన స్మగ్లర్ సునీల్ పాండే నుంచి గంజాయిని తీసుకున్నట్లు అంగీకరించారు.

పోలీసుల విచారణలో, నిందితులు ఆర్థిక ఇబ్బందులతో గంజాయి రవాణా చేస్తున్నట్లు తెలిసింది. వీరు ఒడిస్సాలోని వరంపురం రైల్వే స్టేషన్ నుంచి రైలులో సికింద్రాబాద్ కు ప్రయాణించి, అక్కడి నుంచి మరో రైలులో వికారాబాద్ కు చేరుకున్నారు.

స్వాధీనం చేసుకున్న గంజాయిని పంచనామా చేసి, నిందితులను అరెస్ట్ చేసి కోర్టుకు పంపించారు. ఈ మాదక ద్రవ్యాల సరఫరా వెనుక ఉన్న ప్రధాన నిందితుడు, ఇతర నెట్‌వర్క్ సభ్యులను గుర్తించేందుకు దర్యాప్తు కొనసాగుతోంది. పోలీసులు ప్రజలకు గంజాయి వల్ల కలిగే అనర్థాలను వివరిస్తూ, సమాచారం అందించాలని విజ్ఞప్తి చేశారు.