విశాఖ బీచ్ రోడ్డు అక్వేరియం కూల్చివేత: 50 చేపలు చనిపోయాయి

విశాఖపట్నం బీచ్ రోడ్డులో 40 సంవత్సరాలుగా నడుస్తున్న అక్వేరియంను GVMC అధికారులు కూల్చివేశారు. కూల్చివేతకు ముందు విద్యుత్ సరఫరా నిలిపివేయడంతో దాదాపు 50 చేపలు చనిపోయాయని నిర్వాహకులు తెలిపారు.

చేపలను వేరే సురక్షిత ప్రాంతానికి తరలించకుండానే కూల్చివేశారని నిర్వాహకులు ఆవేదన వ్యక్తం చేస్తున్నారు. సాయంత్రం 3 గంటల నుంచి విద్యుత్ నిలిపివేశారని, చేపలు అద్దాల ట్యాంకుల్లోనే చనిపోయాయని నిర్వాహకులు చెప్పారు.

పాత తేదీతో నోటీసు ఇచ్చి రాత్రికి రాత్రే కూల్చివేశారని నిర్వాహకులు ఆరోపిస్తున్నారు. GVMC తో చర్చలు జరుగుతుండగానే కూల్చివేత చేపట్టారని పేర్కొన్నారు. ఈ విషయంపై GVMC అధికారుల స్పందన తెలియాల్సి ఉంది.