విశాఖ స్టీల్ ప్లాంట్‌లో మరో ప్రమాదం: ద్రవపు ఉక్కు లీకేజీ, ప్రమాదం తప్పింది

విశాఖ ఉక్కు కర్మాగారంలో సోమవారం ఉదయం 5.30 గంటలకు మరో ప్రమాదం తప్పింది. ఎస్ఎంఎస్-1 లోని ఆర్గన్ రీఫైనింగ్ స్టేషన్లో లాడెల్ నుండి ద్రవపు ఉక్కు లీకైంది. అదృష్టవశాత్తు ఆ సమయంలో అక్కడ కార్మికులు ఎవరూ లేకపోవడంతో ప్రాణనష్టం జరగలేదు.

నాలుగు రోజుల క్రితం ఇదే ప్లాంట్లో జరిగిన పెద్ద ప్రమాదంలో తొమ్మిది మంది కార్మికులు మృతి చెందారు. మరికొందరు కార్మికులు ఇంకా ఆసుపత్రిలో చికిత్స పొందుతున్నారు.

వరుస ప్రమాదాలపై కార్మికులు ఆగ్రహం వ్యక్తం చేస్తున్నారు. యాజమాన్యం చర్యలు తీసుకోవడం లేదని ఆరోపిస్తున్నారు. పేలవమైన నాణ్యతా మెటీరియల్ వాడటం వల్లే ఇలాంటి ప్రమాదాలు జరుగుతున్నాయని నిపుణులు అభిప్రాయపడుతున్నారు.