విశాఖలో ఎమర్జెన్సీ కోటా దరఖాస్తు పెట్టె సౌత్ కోస్ట్ రైల్వే ప్రధాన కార్యాలయానికి మార్పు

విశాఖపట్నంలో ఎమర్జెన్సీ కోటా (EQ) దరఖాస్తు పెట్టెను సౌత్ కోస్ట్ రైల్వే కార్యాలయానికి మార్చారు. ఇప్పటివరకు విశాఖ డివిజనల్ రైల్వే మేనేజర్ (DRM) కార్యాలయంలో ఉన్న ఈ సదుపాయం ఇక నుంచి సిరిపురం జంక్షన్ లోని సౌత్ కోస్ట్ రైల్వే ప్రధాన కార్యాలయం డి డెక్ భవనం గ్రౌండ్ ఫ్లోర్ ఎగ్జిట్ గేట్ వద్ద అందుబాటులో ఉంటుంది.

ఈక్యూ కింద ప్రయాణానికి దరఖాస్తు చేసుకునే ప్రయాణికులు తమ దరఖాస్తులను నేరుగా ఈ కొత్త కేంద్రంలో సమర్పించాలని అధికారులు సూచించారు. దరఖాస్తుల సమర్పణ సమయాల్లో ఎలాంటి మార్పు లేదని, యథావిధిగా ప్రయాణానికి 10 గంటల ముందు వరకు దరఖాస్తు చేయవచ్చని తెలిపారు.

ఈ మార్పు గురించి ప్రయాణికులు గమనించాలని రైల్వే అధికారులు కోరారు. సౌత్ కోస్ట్ రైల్వే జోన్ పరిధిలోని విశాఖ ప్రాంతంలో EQ బాక్స్ ను కొత్తగా ఏర్పాటు చేసినట్లు వివరించారు.