విశాఖలో కారు ప్రమాదంలో నవ వధువు రామేశ్వరి మృతి — పెళ్లయి గంటల్లోనే విషాదం

విశాఖపట్నం జిల్లా పరవాడ మండలంలోని వాడచీపురుపల్లిలో పెళ్లి జరిగిన కొన్ని గంటల్లోనే నవ వధువు రామేశ్వరి రోడ్డు ప్రమాదంలో మృతి చెందింది. అత్తారింటికి వెళ్తున్న సమయంలో అగనంపూడి శనివాడ వద్ద ఈ ప్రమాదం జరిగింది.

కారు నడుపుతున్న పెళ్లి కొడుకు వాహనాన్ని నియంత్రించలేకపోయాడు. రోడ్డు మీద కుక్క అడ్డు రావడంతో కారు విద్యుత్ స్తంభానికి గుద్దుకుంది. ప్రమాదం జరిగిన స్పాట్‌లోనే రామేశ్వరి మృతి చెందింది. ఆమె తల్లి కూడా అదే కారులో ప్రయాణిస్తూ తీవ్రంగా గాయపడింది. head injury వల్ల ఆమె పరిస్థితి సీరియస్‌గా ఉందని స్థానికులు తెలిపారు.

పెళ్లి కొడుకు NTPC లో contract maintenance పనిలో ఉన్నారు. ఆయనకూ గాయాలయ్యాయి. ప్రస్తుతం treatment లో ఉన్నారు. కారులో కుడి వైపు కూర్చున్నవారికి తక్కువ గాయాలయ్యాయి. ఎడమ వైపు కూర్చున్నవారికి ఎక్కువ నష్టం జరిగింది.

రామేశ్వరి అగనంపూడి కొండయ్యవలస గ్రామానికి చెందిన పెంటారావు గారి కుమార్తె. 14 సంవత్సరాలుగా విశాఖలోని WDS Diamonds లో పనిచేసింది. ప్రమాద స్థలానికి అత్తారిల్లు కేవలం ఒక కిలోమీటరు దూరంలో ఉంది.

మృతురాలి కుటుంబానికి ప్రభుత్వం సహాయం అందించాలని స్థానికులు కోరుతున్నారు.