విజయనగరంలో జడ్పీటీసీ, ఎంపీటీసీ ఎన్నికలకు పోలింగ్ మెటీరియల్ పంపిణీ

విజయనగరం జిల్లాలో జడ్పీటీసీ, ఎంపీటీసీ ఎన్నికలకు పోలింగ్ మెటీరియల్ పంపిణీ ప్రారంభమైంది. రేపు పోలింగ్ జరగనుంది. ప్రశాంతంగా ఎన్నికలు నిర్వహించేందుకు జిల్లా అధికారులు ఏర్పాట్లు చేస్తున్నారు.

జిల్లాలోని 27 మండలాల్లో ఈ ఎన్నికలు జరగనున్నాయి. 27 జడ్పీటీసీ స్థానాలు, 449 ఎంపీటీసీ స్థానాలకు ఎన్నికలు నిర్వహిస్తున్నారు. అభ్యర్థులు పోటీలో ఉన్నారు.

ప్రతి పోలింగ్ కేంద్రానికి ఒక పోలింగ్ అధికారి, ఐదుగురు అదనపు సిబ్బందిని నియమించారు. వారికి బ్యాలెట్ పేపర్లు, బ్యాలెట్ బాక్సులను పంపిణీ చేస్తున్నారు. బాక్సులను తనిఖీ చేసిన తర్వాత సిబ్బందిని పోలింగ్ కేంద్రాలకు తర్లించేందుకు బస్సులు ఏర్పాటు చేశారు.

బస్సుల వద్ద భద్రత ఏర్పాటు చేశారు. రూట్ ఆఫీసర్ల పర్యవేక్షణలో సిబ్బందిని, మెటీరియల్ను పోలింగ్ కేంద్రాలకు తరలిస్తున్నారు. పోలీస్ బందోబస్తు మధ్య ఈ ప్రక్రియ కొనసాగుతోంది. అవాంఛనీయ సంఘటనలు జరగకుండా చర్యలు తీసుకున్నట్టు అధికారులు తెలిపారు.

పోలింగ్ కేంద్రాలకు సిబ్బందిని, బ్యాలెట్ మెటీరియల్ను పంపే పని కొనసాగుతోంది. రేపు పోలింగ్ నిర్వహణకు అన్ని ఏర్పాట్లు పూర్తి చేశామని జిల్లా అధికారులు చెప్తున్నారు.