జంతర్ మంతర్‌లో NEET విద్యార్థుల మృతిపై పెళ్లి దుస్తుల్లో యువతి నిరసన

ఢిల్లీలోని జంతర్ మంతర్ వద్ద పెళ్లి దుస్తుల్లో ఓ యువతి వినూత్న నిరసన చేపట్టింది. NEET పరీక్షల అవకతవకలు, విద్యార్థుల మృతిపై ప్రభుత్వం స్పందించాలని డిమాండ్ చేసింది.

తాను NEET కోసం ప్రిపేర్ అవ్వాలనుకున్నానని, కానీ ఇలాంటి ఘటనలతో అది సాధ్యం కాదని ఆమె చెప్పింది. విద్యార్థుల పరిస్థితి చూసి తల్లిదండ్రులు అమ్మాయిలకు బలవంతంగా పెళ్లిళ్లు చేస్తారన్న ఆందోళన వ్యక్తం చేసింది. ఈ సమస్యపై ప్రభుత్వం చర్యలు తీసుకోకపోతే రాజీనామా చేయాలని డిమాండ్ చేసింది.

25 మంది విద్యార్థులు మరణించారని, ప్రశాంతంగా ప్రతిఘటిస్తున్న యువతరానికి తాము మద్దతు తెలుపుతున్నామని నిరసనకారుల్లో ఒకరు తెలిపారు. ప్రభుత్వం స్పందించే వరకు నిరసన కొనసాగుతుందని యువతి పేర్కొంది.