శ్రీశైలం రహదారిపై 16 కిలోమీటర్లు ట్రాఫిక్ జామ్; భక్తులు గంటల పాటు ఇబ్బంది

శ్రీశైలం వెళ్లే ప్రధాన రహదారిపై శనివారం భారీ ట్రాఫిక్ జామ్ ఏర్పడింది. వీకెండ్ కావడంతో భక్తులు పెద్ద సంఖ్యలో శ్రీశైలానికి బయలుదేరారు.

దోమలపెంట నుంచి లింగాలగట్టు వరకు, సున్నిపెంట నుంచి శ్రీశైలం ఎంట్రెన్స్ వరకు మొత్తం 16 కిలోమీటర్ల మేర వాహనాలు నిలిచిపోయాయి. వెళ్లేవారు, తిరుగు ప్రయాణం చేసేవారు కూడా జామ్లో చిక్కుకున్నారు. గంటల తరబడి భక్తులు రోడ్డుపై వేచి ఉన్నారు.

పోలీసులు ట్రాఫిక్ క్రమబద్ధీకరణకు ప్రయత్నిస్తున్నారు. నల్లమల అటవీ ప్రాంతంలో రోడ్డు ఇరుకుగా ఉంది. ఒక్క వాహనం ఆగిపోతే మొత్తం లైన్ ఆగిపోతుంది. దీంతో ట్రాఫిక్ క్లియర్ చేయడం ఆలస్యం అవుతోంది.

ఈ రోజు ఆగస్టు 15 సెలవు. రేపు ఆదివారం. సోమవారం శ్రీశైలంలో లింగదర్శనం కోసం భక్తులు పెద్ద సంఖ్యలో వస్తున్నారు. ఈ రద్దీతో జామ్ ఏర్పడింది. అధికారులు ట్రాఫిక్ క్లియర్ చేయాలని స్థానికులు కోరుతున్నారు.