పశ్చిమ గోదావరి ఆలయాల్లో త్రివర్ణ అలంకరణతో స్వాతంత్ర దినోత్సవ పూజలు

పశ్చిమ గోదావరి జిల్లాలోని నరసాపురం, పాలకోలు ఆలయాల్లో స్వాతంత్ర దినోత్సవం సందర్భంగా ప్రత్యేక పూజలు నిర్వహించారు. నరసాపురం ఏకాంబరేశ్వర స్వామి ఆలయం, పాలకోలు శ్రీ వెంకటేశ్వర స్వామి ఆలయం, అభయాంజనేయ స్వామి ఆలయాల్లో శివలింగం, వెంకటేశ్వర స్వామి, ఆంజనేయ స్వామి విగ్రహాలను త్రివర్ణ పతాక అలంకరణలతో పూజించారు.

జాతీయ జెండా రంగుల దుస్తులు, పూలు, రంగులతో విగ్రహాలను అలంకరించారు. ఈ త్రివర్ణ శోభిత రూపాలను దర్శించేందుకు భక్తులు ఆలయాలకు పెద్ద సంఖ్యలో వచ్చారు. దేశ సరిహద్దుల్లో విధులు నిర్వర్తిస్తున్న సైనికుల ఆయురారోగ్యాల కోసం అర్చకులు ప్రత్యేక ప్రార్థనలు చేశారు.

కాశ్మీర్లో ఉన్న సైనికులు సురక్షితంగా ఉండాలని, దేశ ప్రజలు సుఖశాంతులతో ఉండాలని ఈ సందర్భంగా ప్రార్థనలు జరిగాయి.