రాత్రిపూట తలస్నానం ఎందుకు చేయకూడదు? ఆధ్యాత్మిక, ఆరోగ్య కారణాలు

సాంప్రదాయంలో రాత్రిపూట తలస్నానం చేయడం మంచిది కాదని చెబుతారు. సన్యాసులు కూడా రోజుకు మూడు స్నానాలు చేసినా, మూడో స్నానం సూర్యాస్తమయానికి ముందే పూర్తి చేస్తారు.

తలస్నానం, తలంటు స్నానం రెండు వేరు. తలస్నానం అంటే నెత్తిపై నీళ్ళు పోసుకోవడం మాత్రమే. ఇది సాధారణంగా దుర్వార్త విన్నప్పుడు చేస్తారు, నిత్యం చేయరు. తలంటు స్నానం అంటే తలకు నూనె రాసుకుని, ఒంటికి నలుగు పెట్టుకుని చేసే స్నానం. దీన్ని శుభ సందర్భాల్లో ఆచరిస్తారు.

రాత్రిపూట తలస్నానం చేస్తే జలుబు చేసే అవకాశం ఉంది. తల పూర్తిగా ఆరదు, కుదుళ్లలో తడి ఉండిపోతుంది. దీనివల్ల శరీరంలో వాతం పట్టే ప్రమాదం కూడా ఉంది. అంటే ఒళ్ళు బిగుసుకుపోయి నొప్పులు రావచ్చు. వరుణదేవుడి పట్ల గౌరవం, ఆరోగ్య సంరక్షణ ఈ నియమం వెనకున్న ముఖ్య ఉద్దేశాలు.