'వెల్కమ్ టు జంగిల్'లో దిశా పటానీకి డైలాగులు ఎందుకు తక్కువ? అహ్మద్ ఖాన్ వివరణ

బాలీవుడ్ మల్టీస్టారర్ 'వెల్కమ్ టు జంగిల్'లో దిశా పటానీ పాత్రకు డైలాగులు చాలా తక్కువగా ఉండటం చూసి చాలామంది ఆశ్చర్యపోయారు. ఈ విషయంపై చిత్ర దర్శకుడు అహ్మద్ ఖాన్ స్వయంగా వివరణ ఇచ్చారు. బాలీవుడ్ హంగామాకు ఇచ్చిన ఇంటర్వ్యూలో ఆయన మాట్లాడుతూ, ఇది ఉద్దేశపూర్వకమేనని, ఎన్సెంబుల్ కాస్ట్కు ప్రాధాన్యత ఇవ్వడానికి ఈ నిర్ణయం తీసుకున్నామని చెప్పారు. "దిశా పాత్రను పాటలు, సన్నివేశాల ద్వారా పరిచయం చేశాం. ఆమె సినిమాలోకి రావడానికి ప్రధాన కారణం అక్షయ్ కుమార్‌ను ఆటపట్టించడమే. జానీ లెవర్, పరేశ్ రావల్, రాజ్పాల్ యాదవ్, తుషార్, శ్రేయా, అఫ్తాబ్, అర్షద్ లాంటి భారీ నటీనటుల మధ్య ఆమె కూడా సహజంగా ఇమిడిపోయి సన్నివేశంలో భాగమైతే చాలు, హీరోయిన్ కోసం ప్రత్యేక డైలాగులు ఎందుకు?" అని ఆయన వివరించారు.