వరలక్ష్మీ వ్రతంలో అమ్మవారి ఇరువైపులా ఏనుగులు ఎందుకు ఉంటాయి?

వరలక్ష్మీ వ్రతంలో అమ్మవారిని గజలక్ష్మి రూపంలో పూజిస్తారు. ఈ రూపంలో అమ్మవారి ఇరువైపులా రెండు ఏనుగులు కనిపిస్తాయి.

ఆధ్యాత్మిక వివరణ ప్రకారం ఏనుగులు రాచరికానికి, అహంకారానికి ప్రతీకలుగా చెప్తారు. ఏనుగుల తొండాల్లో ఉండే రెండు కలశాలు సంతృప్తి, అసంతృప్తులకు చిహ్నం అని అంటారు. వాటి నుంచి వచ్చే జలాన్ని అమృతంగా భావిస్తారు.

ఒక ఋషి శాపం వల్ల ఏనుగులకు రెక్కలు పోయాయని పౌరాణిక కథనం ఉంది. అంతకుముందు అవి మేఘాల నుంచి జలం తీసుకొచ్చి అమ్మవారికి అభిషేకం చేసేవని చెప్తారు. రెక్కలు పోయినా ఏనుగుల సమూహం ఉన్న ప్రాంతంలో వర్షం కురుస్తుందనే నమ్మకం ఉంది.

ఈ నమ్మకం కారణంగా కేరళ ప్రాంతంలో ఏనుగులను ఎక్కువగా పెంచుతారని అంటారు. అక్కడ నీరు సమృద్ధిగా ఉంటుందని చెబుతారు. గజలక్ష్మినే వరలక్ష్మిగా ఆహ్వానించి పూజిస్తారని ఈ వివరణలో చెప్పారు.