అక్రమ సంబంధం అడ్డుకున్న భర్తను రుబ్బురాయితో చంపిన భార్య; ప్రియుడు కూడా అరెస్ట్

అన్నమయ్య జిల్లా మదనపల్లె మండలం నారమాకుల తండాలో భర్తను హత్య చేసిన భార్య, ఆమె ప్రియుడిని పోలీసులు అరెస్టు చేశారు.

రమీల, భూక్య చిన్న బుడ్డన నాయక్‌ల వివాహం జరిగింది. కొంతకాలంగా రమీలకు అదే గ్రామానికి చెందిన రెడ్డప్ప నాయక్‌తో అక్రమ సంబంధం ఉంది. ఈ విషయం తెలుసుకున్న బుడ్డన నాయక్ భార్యను మందలించాడు. అయితే ఆమె తన ప్రియుడితో కలిసి అతడిని చంపాలని పథకం వేసింది.

ఈ నెల 18వ తేదీ రాత్రి బుడ్డన నాయక్ ఇంట్లో నిద్రిస్తుండగా, రమీల బరువైన రుబ్బురాయితో అతడి తలపై మోదింది. ఈ దెబ్బతో బుడ్డన నాయక్ అక్కడికక్కడే మృతి చెందారు.

పోలీసులు ఘటనాస్థలానికి చేరుకుని మృతదేహాన్ని పోస్ట్ మార్టం కోసం మదనపల్లె ప్రభుత్వ ఆస్పత్రికి తరలించారు. భార్య, ప్రియుడిని అదుపులోకి తీసుకుని కేసు నమోదు చేశారు. ఈ కేసుపై దర్యాప్తు కొనసాగుతోంది.