గురుగ్రాంలో పనిమనిషిపై ఎస్యూవీ నడిపి మృతదేహాన్ని వదిలేసిన మహిళ

హర్యాణాలోని గురుగ్రాంలో అన్సల్ వెర్సాలియా సొసైటీలో ఓ మహిళ తన థార్ వాహనంతో పనిమనిషి గుడ్డిని ఢీకొట్టింది.

పని ముగించుకున్న అలసటతో గుడ్డి పార్కింగ్ ప్రదేశంలో నిద్రిస్తుండగా ఈ ఘటన చోటుచేసుకుంది. సొసైటీలో నివసించే మహిళ నిర్లక్ష్యంగా థార్ నడిపి గుడ్డిపై నుంచి వెళ్లింది.

గాయపడిన గుడ్డిని నిందితురాలు స్థానిక ఆసుపత్రికి తరలించగా, వైద్యులు మృతి చెందినట్లు నిర్ధారించారు. ఆ తర్వాత నిందితురాలు భయంతో మృతదేహాన్ని తిరిగి సొసైటీకి తీసుకొచ్చి ప్రమాదం జరిగిన చోటే వదిలి వెళ్లిపోయింది.

విషయం తెలుసుకున్న మృతురాలి బంధువులు, తోటి పనివారు నిందితురాలి ఇంటి ఎదుట నిరసన వ్యక్తం చేశారు. పోలీసులు సీసీటీవీ ఫుటేజీని సేకరించి దర్యాప్తు ప్రారంభించారు.