ప్రపంచ రక్తదాన దినోత్సవం సందర్భంగా గాంధీ హాస్పిటల్‌లో రక్తదాన శిబిరం

హైదరాబాద్ లోని గాంధీ హాస్పిటల్ లో ప్రపంచ రక్తదాన దినోత్సవం సందర్భంగా రక్తదాన శిబిరం నిర్వహించారు. జూన్ 14న ప్రపంచ రక్తదాన దినం కావడంతో, ఆ రోజు సెలవు దినం కావడంతో ముందస్తుగా ఈ కార్యక్రమం చేపట్టారు. హాస్పిటల్ సూపరింటెండెంట్ డా. వాణి, గాంధీ మెడికల్ కాలేజీ ప్రిన్సిపల్ ఇందిరా ఈ కార్యక్రమంలో పాల్గొన్నారు. హాస్పిటల్ సిబ్బంది, రోగుల బంధువులు, మెడికల్ కాలేజీ విద్యార్థులు రక్తదానం చేశారు.

ఈ సందర్భంగా డా. వాణి మాట్లాడుతూ, అన్ని దానాల్లో రక్తదానం గొప్పదని, ప్రతి ఒక్కరు ఆరు నెలలకోసారి రక్తం దానం చేయాలని సూచించారు. రోగులకు రక్తం సరిపోక ఇబ్బందులు ఎదురవుతున్నాయని తెలిపారు. ఇందిరా కూడా ఇలాంటి సందేశం ఇచ్చారు. వైద్యులు, సిబ్బంది రక్తదానంతో ఎలాంటి బలహీనత రాదని, ఏటా రెండుసార్లు రక్తం ఇవ్వవచ్చునని పేర్కొన్నారు.

అరుదైన రక్త వర్గాలు కలిగిన వారు రక్తకోష్ పోర్టల్‌లో నమోదు చేసుకోవాలని, అత్యవసర సమయాల్లో తమకు సంప్రదిస్తామని డా. వాణి తెలిపారు. ప్రాణాలను కాపాడేందుకు ప్రతి ఒక్కరూ స్వచ్ఛంద రక్తదానం చేయాలని వారు విజ్ఞప్తి చేశారు.