యాదగిరిగుట్ట ఆలయంలో భక్తుల సౌకర్యాల మెరుగుదలపై బోర్డ్ చైర్మన్ సత్యనారాయణ రెడ్డి ప్రకటన

యాదగిరిగుట్ట లక్ష్మీనరసింహస్వామి దేవస్థానం పాలక మండలి చైర్మన్ సత్యనారాయణ రెడ్డి భక్తుల సౌకర్యాలు మెరుగుపరిచే దిశగా ప్రణాళికలు ప్రకటించారు. ఆలయం పాలక మండలి ప్రమాణ స్వీకారం అనంతరం జరిగిన తొలి బోర్డు సమావేశంలో ఈ విషయాలను చర్చించినట్టు ఆయన తెలిపారు.

ప్రస్తుతం భక్తులు ఉదయం వచ్చి సాయంత్రం వెళ్లిపోతున్నారని, రాత్రి వసతి సౌకర్యాలు లేకపోవడం వల్లే ఇది జరుగుతోందని చైర్మన్ పేర్కొన్నారు. రాత్రి వసతి ఉంటే పూజల ప్రభావం ఎక్కువని భక్తులు భావిస్తున్నారని ఆయన వివరించారు. తిరుమల తిరుపతి దేవస్థానం (TTD) సౌకర్యాలను బెంచ్మార్క్గా తీసుకుని యాదగిరిగుట్టలో సౌకర్యాలు మెరుగుపరుస్తామన్నారు.

ఇంకా ఒకట్రెండు సమావేశాల్లో నిర్ణయాలు ఖరారు చేసి వాటిని అమలు చేస్తామని చైర్మన్ తెలిపారు. కీలక నిర్ణయాలు ప్రభుత్వ అనుమతి కోసం సూచిస్తామన్నారు. దర్శనం సమయాన్ని తగ్గించడం, ఇతర మౌలిక సదుపాయాల కల్పనపైనా అధ్యయనం చేస్తామని ఆయన వివరించారు.