జస్టిస్ యశ్వంత్ వర్మ కేసు: విచారణ నివేదిక రేపు లోక్‌సభలో ప్రవేశపెట్టనున్నారు

ఢిల్లీ హైకోర్టు మాజీ న్యాయమూర్తి జస్టిస్ యశ్వంత్ వర్మ అధికారిక నివాసంలో కాలిన కరెన్సీ నోట్లు దొరికిన కేసులో విచారణ నివేదికను రేపు లోక్‌సభలో ప్రవేశపెట్టనున్నారు. ఈ మేరకు పార్లమెంట్ వర్గాలు సమాచారం ఇచ్చాయి. లోక్‌సభ స్పీకర్ ఏర్పాటు చేసిన ముగ్గురు సభ్యుల విచారణ కమిటీ పూర్తి స్థాయి దర్యాప్తు చేసి, నివేదికను సమర్పించింది. ఈ నివేదికను లోక్‌సభతో పాటు రాజ్యసభలో కూడా ప్రవేశపెట్టనున్నట్లు తెలిసింది. విచారణ సమయంలో సేకరించిన మౌఖిక, డాక్యుమెంటరీ సాక్ష్యాలను కూడా సభలో ఉంచుతారు.

2025 మార్చిలో జస్టిస్ యశ్వంత్ వర్మ నివాసంపై ఐటీ దాడులు జరిపినప్పుడు కాలిన కరెన్సీ నోట్లు బయటపడిన సంగతి తెలిసిందే. ఈ ఘటన తర్వాత ఆయన్ను అలహాబాద్ హైకోర్టుకు బదిలీ చేశారు. ఆ నోట్లతో తనకు సంబంధం లేదని, అవి తనవి కాదని ఆయన గతంలో చెప్పారు. అయినప్పటికీ, ఈ ఏడాది ఏప్రిల్ 9న ఆయన న్యాయమూర్తి పదవికి రాజీనామా చేశారు. అయితే రాష్ట్రపతి ఇంకా ఆయన రాజీనామాను ఆమోదించలేదు. న్యాయవ్యవస్థపై ప్రశ్నలు తలెత్తిన నేపథ్యంలో ఈ నివేదికపై పార్లమెంట్లో మంగళవారం చర్చ జరిగే అవకాశం ఉంది.