అనిరుద్ రవిచందర్, కావ్య మారన్ వివాహాన్ని నటుడు వైజీ మహేంద్రన్ ధ్రువీకరించారు

సంగీత దర్శకుడు అనిరుద్ రవిచందర్, సన్రైజర్స్ హైదరాబాద్ యజమాని కావ్య మారన్‌ల వివాహంపై సోషల్ మీడియాలో జరుగుతున్న ఊహాగానాలకు బంధువు స్పందించారు. ఇద్దరి మధ్య రిలేషన్ ఉందనే వార్తలను అనిరుద్ గతంలో ఖండించినప్పటికీ, చెన్నై మీడియాలో మాత్రం ఈ చర్చ కొనసాగుతూనే ఉంది.

తాజాగా అనిరుద్‌కు పెద్దనాన్న అయిన సీనియర్ నటుడు వైజీ మహేంద్రన్ ఈ విషయంపై స్పందిస్తూ, వీరిద్దరి రిలేషన్‌ను, త్వరలో జరగనున్న వివాహాన్ని పరోక్షంగా ధ్రువీకరించారు. రెండు కుటుంబాలు ఈ వివాహానికి అంగీకారం తెలిపాయని, త్వరలోనే పెళ్లి జరగనుందని ఆయన సూచించినట్లు సమాచారం.

ఈ వార్తతో సినీ, క్రికెట్ వర్గాల్లో ఆసక్తి నెలకొంది. సన్ గ్రూప్ అధినేత కళానిధి మారన్ కుమార్తె అయిన కావ్య మారన్‌కు సోషల్ మీడియాలో ప్రాచుర్యం ఉంది. అనిరుద్ దక్షిణాదితో పాటు బాలీవుడ్‌లోనూ సంగీత దర్శకుడిగా పనిచేస్తున్నారు. దీంతో అధికారిక ప్రకటన కోసం అభిమానులు ఎదురుచూస్తున్నారు.