మార్కాపురం జిల్లా కంభంలో ఘనంగా యోగాంధ్ర కార్యక్రమం; 2 వేల మంది భాగస్వామ్యం

మార్కాపురం జిల్లా కంభం చెరువు కట్టపై యోగాంధ్ర కార్యక్రమం నిర్వహించారు.

ఈ కార్యక్రమంలో జిల్లా కలెక్టర్ విజయ్ సునీత, గిద్దలూరు ఎమ్మెల్యే ముత్తుముల అశోక్ రెడ్డి, మార్కాపురం ఎమ్మెల్యే కందికుంట వెంకట ప్రసాద్, జాయింట్ కలెక్టర్ శ్రీనివాసులు, డీఎస్పీ నాగరాజు పాల్గొన్నారు. వీరంతా కలిసి యోగాసనాలు వేశారు.

యోగా గురువులు యోగాసనాల వల్ల కలిగే ప్రయోజనాలను వివరించారు. అనంతరం అధికారులు, ప్రజాప్రతినిధులు స్థానిక ప్రజలతో యోగాసనాలు వేయించారు. దాదాపు 2,000 మందికి పైగా ఒకేసారి యోగా సాధన చేశారు.

యోగా ద్వారా శారీరక దృఢత్వం, మానసిక ఉల్లాసం, సంపూర్ణ ఆరోగ్యం లభిస్తుందని యోగా గురువులు తెలిపారు. ప్రతి ఒక్కరూ యోగా సాధన చేయాలని ఎమ్మెల్యే కందికుంట సూచించారు. కదిరి శ్రీ లక్ష్మీ నరసింహ స్వామి దేవస్థానం రాజగోపురం ముందు కూడా యోగాంధ్ర కార్యక్రమం జరిగినట్లు సమాచారం.