ఏపీ ప్రభుత్వం రోజుకు రూ.485 కోట్లు అప్పు: వైఎస్ఆర్‌సీపీ నేత వెంకటరెడ్డి ఆరోపణ

వైఎస్ఆర్‌సీపీ నేత కారుమూరి వెంకట రెడ్డి కీలక ఆరోపణ చేశారు. చంద్రబాబు నాయుడు నేతృత్వంలోని ఆంధ్రప్రదేశ్ ప్రభుత్వం రోజుకు సుమారు రూ. 484.54 కోట్ల నుంచి రూ. 485 కోట్ల వరకు అప్పు చేస్తోందని ఆయన పేర్కొన్నారు.

ఈ ఒక్కరోజు అప్పుతో 13 లక్షల చదరపు అడుగుల విస్తీర్ణంలో ఒక మెడికల్ కాలేజీ, ఆసుపత్రి, హాస్టల్ నిర్మించవచ్చని వెంకట రెడ్డి అన్నారు. గత వైఎస్ఆర్‌సీపీ ప్రభుత్వం అమలు చేసిన సంక్షేమ పథకాలను ప్రస్తుత ప్రభుత్వం నిలిపివేసిందని, కొత్తగా ప్రకటించిన సూపర్ సిక్స్, సూపర్ సెవెన్ వంటి హామీలను ఇప్పటివరకు అమలు చేయలేదని ఆయన విమర్శించారు.

"అప్పు చేసిన నిధులు దుర్వినియోగం అవుతున్నాయి తప్ప, అభివృద్ధి కార్యక్రమాలు కనిపించడం లేదు" అని వెంకట రెడ్డి ఆరోపించారు. ఈ విషయంపై రాష్ట్ర ప్రభుత్వం స్పందన తెలియాల్సి ఉంది.