పెట్రోల్, డీజిల్ ధరల పెంపుపై వైసీపీ రాష్ట్రవ్యాప్త నిరసనలు

ఆంధ్రప్రదేశ్‌లో పెట్రోల్, డీజిల్ ధరలు పెరగడంపై YSRCP రాష్ట్రవ్యాప్తంగా నిరసనలు నిర్వహించింది. అన్ని నియోజకవర్గ కేంద్రాల్లో పార్టీ నేతలు, కార్యకర్తలు నిరసనలో పాల్గొన్నారు.

పార్టీ నేత సజ్జల రామకృష్ణ రెడ్డి రీజనల్ కోఆర్డినేటర్లు, జిల్లా అధ్యక్షులు, ఎమ్మెల్యేలతో టెలీ కాన్ఫరెన్స్ నిర్వహించారు. ఇతర రాష్ట్రాలతో పోలిస్తే ఏపీలో పెట్రోల్, డీజిల్ ధరలు అధికంగా ఉన్నాయని ఆయన పేర్కొన్నారు. ఈ ధరల పెంపు రైతులు, చిన్న వ్యాపారులు, మధ్యతరగతి వారిపై తీవ్ర ప్రభావం చూపుతోందని ఆరోపించారు.

మాజీ మంత్రి చెల్లుబోయిన వేణుగోపాల్ మాట్లాడుతూ, దేశంలోనే అత్యధిక పెట్రోల్ ధరలు ఏపీలో ఉన్నాయని పేర్కొన్నారు. ప్రభుత్వ మంత్రులు సైకిల్ తొక్కుతూ రీల్స్ చేసుకోవడాన్ని ఆయన విమర్శించారు.

నిరసన అనంతరం జిల్లా కలెక్టర్లు, RDO లు, MRO లకు వినతిపత్రాలు అందించారు. ఇతర పార్టీలు, ప్రజా సంఘాలను కలుపుకొని ఈ నిరసనలు నిర్వహించినట్లు YSRCP తెలిపింది.

ఈ ఆరోపణలపై రాష్ట్ర ప్రభుత్వం స్పందన తెలియాల్సి ఉంది.