2026లో కైలాస యాత్ర చేస్తే 12 రెట్లు ఫలితం: టిబెటియన్ సంప్రదాయంలో ప్రత్యేకత ఉందని పరాస్ శర్మ వెల్లడి

2026 సంవత్సరం కైలాస మానస సరోవర యాత్రకు అత్యంత ప్రత్యేకత కలిగినదని ట్రావెల్ నిపుణుడు పరాస్ శర్మ పేర్కొన్నారు. టిబెటియన్ సంప్రదాయం ప్రకారం 2026 అశ్వ సంవత్సరం కావడంతో ఒకేసారి యాత్ర చేస్తే 12 సార్లు చేసిన ఫలితం లభిస్తుందని ఆయన తెలిపారు.

ప్రతి 12 సంవత్సరాలకు ఒకసారి వచ్చే అశ్వ సంవత్సరంలో కైలాస పర్వతం వద్ద విపరీతమైన సానుకూల శక్తి ఉంటుందని టిబెటియన్ క్యాలెండర్ ఆధారంగా ఈ విషయం వెల్లడైంది. భారతదేశంలో నదీ పుష్కరాల మాదిరిగానే టిబెట్‌లో ఈ సంప్రదాయం ఉన్నట్లు వివరించారు.

ఈ ప్రచారం మార్కెటింగ్ వ్యూహంగా ఉందా అనే ప్రశ్నకు సమాధానంగా, టిబెటియన్ గ్రంథాల ఆధారంగా ఈ సమాచారం అందిస్తున్నామని, ఇది కేవలం నమ్మకం మాత్రమే కాదని పరాస్ శర్మ స్పష్టం చేశారు. గత సంవత్సరం నుంచే ఈ విషయాన్ని ప్రచారం చేస్తున్నామని చెప్పారు.