మహారాష్ట్ర వరదల్లో హెచ్‌పీసీఎల్ ప్లాంట్ నుంచి 3,000 గ్యాస్ సిలిండర్లు కొట్టుకుపోయాయి

మహారాష్ట్రలోని రాయగడ్ జిల్లాలో భారీ వరదల కారణంగా పాతాళగంగ నది ప్రమాదకర స్థాయిలో ప్రవహిస్తోంది. ఈ నది తీరాన పన్వేల్ తాలూకాలో ఉన్న హిందుస్థాన్ పెట్రోలియం (HPCL) ఎల్పీజీ బాట్లింగ్ ప్లాంట్‌లోకి వరద నీరు చొచ్చుకువచ్చింది.

ప్లాంట్ ఆవరణలో నిల్వ ఉంచిన దాదాపు 3,000 గ్యాస్ సిలిండర్లు నీటిపై తేలాడాయి. ప్రవాహానికి కొట్టుకుపోయి నదిలోకి వెళ్లిపోయాయి. ఇందులో కొన్ని ఖాళీ సిలిండర్లు, మరికొన్ని నిండుగా గ్యాస్ ఉన్న సిలిండర్లు ఉన్నాయి.

విషయం తెలిసిన వెంటనే జిల్లా యంత్రాంగం, విపత్తు నిర్వహణ బృందాలు అప్రమత్తమయ్యాయి. నది తీర ప్రజలకు ఎలాంటి సిలిండర్లను ముట్టుకోవద్దని, స్పార్క్ లేదా లీక్ వల్ల పేలుడు ప్రమాదం ఉందని హెచ్చరికలు జారీ చేశారు.

హెచ్‌పీసీఎల్ నిపుణులు, స్థానిక అధికారులు కలిసి సిలిండర్లను సురక్షితంగా తీయించే చర్యలు మొదలుపెట్టారు. ఇప్పటి వరకు కొన్ని వందల సిలిండర్లను స్వాధీనం చేసుకున్నారు. ప్రవాహం ఎక్కువగా ఉండడంతో మిగిలిన సిలిండర్ల గాలింపు కొనసాగుతోంది.