జగిత్యాల జిల్లా మెట్పల్లిలో రూ.5,000 లంచం తీసుకుంటున్న GPO రాజేష్‌ను ACB రెడ్ హ్యాండెడ్‌గా పట్టుకుంది

జగిత్యాల జిల్లా మెట్పల్లి మండలం ఆత్మకూరులో ACB అధికారులు ఒక GPO ని రూ.5,000 లంచం తీసుకుంటూ రెడ్ హ్యాండెడ్‌గా పట్టుకున్నారు. పట్టాదారు పాస్‌బుక్‌లో పేరు సవరణకు లంచం డిమాండ్ చేసిన GPO రాజేష్ ఈ దాడిలో చిక్కాడు.

బాధితుడు గుజ్జుగర్ల మల్లేష్ అనే రైతు తన పట్టాదారు పాస్‌బుక్‌లో తన పేరు రెండుసార్లు వచ్చిందని, తండ్రి పేరు సవరణ కోసం అప్లై చేశాడు. అయితే GPO రాజేష్ ఆ పనికి రూ.5,000 డిమాండ్ చేయడంతో, మల్లేష్ ACB ని సంప్రదించాడు.

ACB అధికారులు విచారణ చేపట్టి, లంచం డిమాండ్ నిజమని నిర్ధారించుకున్నారు. తర్వాత మల్లేష్ చేత నగదు ఇప్పించి, రాజేష్ డబ్బు తీసుకుంటుండగా అతన్ని పట్టుకున్నారు. లంచం నగదును ACB స్వాధీనం చేసుకుంది.

అనంతరం రాజేష్‌ను మెట్పల్లి తహసీల్దార్ కార్యాలయానికి తరలించి విచారిస్తున్నారు. సంబంధిత ఫైల్‌ను కూడా ACB సీజ్ చేసింది. ఈ కేసులో మరింత దర్యాప్తు కొనసాగుతోంది.