విదేశీ పర్యటనకు రేవంత్‌కు ఏసీబీ కోర్టు షరతులతో అనుమతి

తెలంగాణ ముఖ్యమంత్రి రేవంత్ రెడ్డి విదేశీ పర్యటనకు అనుమతి కోసం ఏసీబీ కోర్టును ఆశ్రయించారు. ఆయన యూకే, యూఎస్, జర్మనీ, చైనా దేశాలకు ఆగస్టు 17 నుండి సెప్టెంబర్ 10 వరకు వెళ్లేందుకు అనుమతి కోరారు.

తనపై నమోదైన నోటు కేసులో జప్తు చేసిన పాస్‌పోర్ట్ తిరిగి ఇవ్వాలని, బెయిల్ షరతులు సడలించాలని రేవంత్ కోర్టును కోరారు.

కోర్టు షరతులతో కూడిన అనుమతి ఇచ్చింది. రేవంత్ లక్ష రూపాయల ష్యూరిటీ సమర్పించాలని ఆదేశించింది. విదేశాల్లో ఉండే చిరునామా, సంప్రదింపు వివరాలు కోర్టుకు ఇవ్వాలని షరతు విధించింది. సెప్టెంబర్ 18 లోగా పాస్‌పోర్ట్ తిరిగి అప్పగిస్తానని అఫిడవిట్ సమర్పించాలని ఆదేశాలు జారీ చేసింది.