హ్యాపీ జర్నీ టీజర్ లాంచ్‌లో నటి అమేని షూటింగ్ అనుభవాలు పంచుకున్నారు

హ్యాపీ జర్నీ సినిమా టీజర్ లాంచ్ కార్యక్రమంలో నటి అమేని మాట్లాడారు. ఈ సినిమా షూటింగ్ అనుభవాలు, టీం గురించి ఆమె ప్రశంసలతో మాట్లాడారు.

షూటింగ్ అనుభవాన్ని గుర్తుచేసుకుంటూ, 'మొదటి రోజు ఎయిర్‌పోర్ట్‌లో ఎవరికీ పరిచయం లేదు. కానీ మూడో రోజు నాటికే మేమంతా కుటుంబంలా అయ్యాం. ఎలాంటి ఈగో లేకుండా అందరూ సినిమాను ఎంజాయ్ చేశాం' అని చెప్పారు. ప్రొడ్యూసర్లు బాలాజీ, తరుణ్, కౌశిక్‌లకు ధన్యవాదాలు తెలిపారు.

దర్శకుడు అభిరామ్ గురించి మాట్లాడుతూ, 'ఆయన చాలా ఎనర్జిటిక్. చలికి కూడా జాకెట్ వేసుకోకుండా డైరెక్ట్ చేస్తుంటారు. అభిరాం గారు రూపొందించిన టీజర్ చూసి నేను చాలా ఎక్సైట్ అయ్యాను' అన్నారు. అన్నపూర్ణ గారి పంక్చువాలిటీ, ప్రొఫెషనలిజం తనకు ఎంతో నేర్పించాయని చెప్పారు. జాన్సీ గారు తల్లిలా బాగోగులు చూశారని, చలి వల్ల ఇబ్బంది పడినప్పుడు ఆమె సాయం చేశారని అమేని వివరించారు.

ఈ సినిమాలో తన పాత్ర విభిన్నంగా ఉంటుందని, ప్రతి నటుడి క్యారెక్టర్‌కు సమాన ప్రాధాన్యత ఉంటుందని అమేని తెలిపారు. హ్యాపీ జర్నీ టీజర్ అందరికీ నచ్చుతుందన్న నమ్మకం వ్యక్తం చేశారు.