ఆదిలాబాద్ ఎయిర్‌పోర్ట్ రోడ్డు సేకరణపై అనుకుంట రైతుల ఆందోళన

ఆదిలాబాద్ జిల్లాలో ఎయిర్‌పోర్ట్ నిర్మాణానికి సంబంధించి రోడ్డు సేకరణపై అనుకుంట వార్డు-4కు చెందిన రైతులు నిరసన వ్యక్తం చేశారు. వారు జిల్లా కేంద్రంలోని కలెక్టరేట్ వరకు ర్యాలీగా వచ్చి డిమాండ్లు విన్నవించారు. ప్రధానంగా గ్రామ రహదారిని తీసుకుంటే మొత్తం ఊరినే సేకరించాలని, లేదంటే భూములన్నీ తీసుకోవాలని డిమాండ్ చేశారు. ఎకరాకు రూ.6 కోట్ల పరిహారం ఇవ్వాలని కూడా వారు కోరారు.

రహదారి సేకరణతో తాము ఉపాధి కోల్పోతామని, రవాణా సౌకర్యం ఇబ్బందికరంగా మారుతుందని రైతులు ఆవేదన వ్యక్తం చేశారు. అనుకుంట గ్రామం నుంచి అనేక మంది పట్టణానికి వెళ్లి పని చేసుకుంటున్నారు. రోడ్డు సేకరిస్తే వీరు అదనంగా 15 నుంచి 25 కిలోమీటర్లు ప్రయాణించాల్సి వస్తుందని వారు తెలిపారు.

కలెక్టర్ వారి డిమాండ్లను పరిశీలిస్తామని హామీ ఇచ్చారు. తర్వాత రైతులు ఎమ్మెల్యే క్యాంపు కార్యాలయానికి వెళ్లి తమ సమస్యను వివరించారు. కలెక్టర్, ఎమ్మెల్యేను మరోసారి కలవాలని వారు నిర్ణయించుకున్నారు.