ఆదిలాబాద్ జిల్లాలో పోలీసుల కార్డెన్ సెర్చ్: 179 వాహనాలు స్వాధీనం

ఆదిలాబాద్ జిల్లాలో పోలీసులు శాంతిభద్రతల పరిరక్షణపై దృష్టి సారించారు. ఈ క్రమంలో జిల్లా వ్యాప్తంగా కార్డెన్ సెర్చ్ నిర్వహించారు. ఈ కార్యక్రమం జిల్లా SP అఖిల్ మహాజన్ ఆదేశాల మేరకు జరిగిందని DSP ఎల్. జీవన్ రెడ్డి తెలిపారు.

ఉదయం 5 గంటల నుంచి సుమారు 150 మంది పోలీసు అధికారులు, సిబ్బంది ప్రత్యేక తనిఖీలు చేపట్టారు. ఈ సందర్భంగా 179 ద్విచక్ర వాహనాలు, ఐదు ఆటోలు, ఒక కారును స్వాధీనం చేసుకున్నారు. ఫేక్ నంబర్ ప్లేట్లు అమర్చిన రెండు ద్విచక్ర వాహనాలపై చీటింగ్ కేసులు నమోదు చేస్తున్నట్లు DSP తెలిపారు.

అలాగే ప్రభుత్వ రాయితీ బియ్యం కొనుగోలు, నిల్వ, విక్రయాలపై కఠిన చర్యలు తీసుకుంటామని హెచ్చరించారు. గంజాయి నిర్మూలనకు ప్రత్యేక ప్రాధాన్యత ఇస్తున్నామన్నారు. ట్రాఫిక్ రూల్స్ పాటించాలని, వాహనాలకు RC, ఇన్సూరెన్స్, డ్రైవింగ్ లైసెన్స్ తప్పనిసరిగా ఉండాలని సూచించారు.