ఎల్జీబీటీ సినిమా 50 రోజుల వేడుకల్లో మంత్రి అడ్లూరి లక్ష్మణ్ – ట్రాన్స్‌జెండర్లకు ప్రభుత్వ ప్రత్యేక కార్యక్రమాల వివరాలు

రాష్ట్ర ప్రభుత్వం ట్రాన్స్‌జెండర్ సంఘానికి అనేక రకాల సహాయక చర్యలు చేపడుతోంది. ఈ విషయాన్ని మంత్రి అడ్లూరి లక్ష్మణ్ ఎల్జీబీటీ సినిమా 50 రోజుల సక్సెస్ ఫంక్షన్‌లో వెల్లడించారు.

ఈ సందర్భంగా ఆయన మాట్లాడుతూ, ట్రాన్స్‌జెండర్ల సంక్షేమం కోసం ప్రభుత్వం ట్రాఫిక్ కానిస్టేబుల్స్, మెట్రో సెక్యూరిటీ సిబ్బందిగా నియామకాలు చేపట్టిందని చెప్పారు. జీహెచ్ఎంసీలో కోఆప్షన్ సభ్యులుగా వారికి అవకాశం కల్పించినట్లు తెలిపారు. సీఎం రిలీఫ్ ఫండ్ ద్వారా ఆరోగ్య సమస్యలు, ఆపరేషన్లకు ఆర్థిక సాయం అందజేస్తున్నామని వివరించారు.

సమాజంలో వారిని గౌరవంగా చూడాలని, వారి జీవన శైలిని అర్థం చేసుకోవాలని మంత్రి పేర్కొన్నారు. ఈ దిశగా ప్రైవేట్ రంగంలోనూ ఉద్యోగాలు కల్పించేలా సంస్థలతో మాట్లాడతామని చెప్పారు.

ఈ చిత్రం యొక్క కథ వాస్తవిక సమస్యలను తెలియజేసిందని, ప్రజలకు అవగాహన కల్పించిందని అన్నారు. భవిష్యత్తులో కూడా ప్రభుత్వం పూర్తి సహకారం ఉంటుందని హామీ ఇచ్చారు.