కరీంనగర్‌లో AISF ధర్నా: ప్రైవేట్ స్కూళ్లపై ACB విచారణ డిమాండ్

కరీంనగర్‌లోని జిల్లా విద్యాశాఖ అధికారి కార్యాలయం వద్ద AISF నాయకులు ధర్నా నిర్వహించారు. ప్రైవేట్ పాఠశాలలు ఇష్టారాదు ఫీజులు వసూలు చేస్తున్నాయని, వాటిపై ACB, IT విచారణ చేయాలని డిమాండ్ చేశారు. రాష్ట్ర అధ్యక్షుడు మణికంట నేతృత్వంలో నోట్ల కట్టలు, పుస్తకాలు చూపిస్తూ ధర్నా చేపట్టారు.

ఈ సందర్భంగా మణికంట మాట్లాడుతూ, కరీంనగర్‌లో ప్రైవేట్ స్కూళ్లు లక్షల రూపాయలకు పైగా ఫీజులు వసూలు చేస్తున్నాయని ఆరోపించారు. విద్యాశాఖ నిబంధనలు పట్టించుకోకుండా, డీఈఓ ప్రైవేట్ స్కూళ్లతో కుమ్మక్కవుతున్నారని ఆయన విమర్శించారు. ప్రైవేట్ స్కూళ్లలో 20% సీట్లు పేద విద్యార్థులకు ఉచితంగా ఇవ్వాలని డిమాండ్ చేశారు.

ప్రైవేట్ స్కూళ్లపై విచారణ, ఫీజుల నియంత్రణను రెండు రోజుల్లో అమలు చేయాలని AISF నాయకులు డిమాండ్ చేశారు. లేని పక్షంలో డీఈఓ ఇంటి వద్దకు వెళ్లి ధర్నా చేస్తామని హెచ్చరించారు. ఈ విషయంపై విద్యాశాఖ అధికారులు ఎలాంటి స్పందన ఇవ్వలేదు.