తిరుపతి జిల్లా అల్లికేసం గ్రామంలో డ్రైనేజీ లేమితో ప్రతి వర్షానికి రోడ్లపై నీరు; శాశ్వత పరిష్కారం కోసం గ్రామస్థుల డిమాండ్

తిరుపతి జిల్లా రేణిగుంట మండలంలోని అల్లికేసం గ్రామంలో చిన్న వర్షం పడినా రోడ్లన్నీ జలమయం అవుతున్నాయి. గ్రామంలో సరైన డ్రైనేజీ వ్యవస్థ లేకపోవడంతో ప్రతి వర్షానికి నీరు రోడ్లపై నిలిచిపోతోంది. దీనివల్ల స్థానికులు తీవ్ర ఇబ్బందులు ఎదుర్కొంటున్నారు.

నీటి నిల్వ కారణంగా పిల్లలు పాఠశాలకు వెళ్లలేకపోతున్నారు. యూనిఫాం, షూస్ ధరించి వచ్చినా నీళ్ల మధ్య నుంచి దాటిరావడం కష్టంగా మారింది. నీటిలో దోమలు వృద్ధి చెంది వ్యాధులు వ్యాపించే ప్రమాదం ఉంది.

గ్రామస్థులు సర్పంచ్ శివయ్యకు, పంచాయతీ అధికారులకు పలుమార్లు ఫిర్యాదు చేసినా ఎలాంటి చర్యలు తీసుకోలేదు. ప్రస్తుతం సర్పంచ్ పదవీ కాలం ముగిసింది. సచివాలయం సిబ్బంది, VRO (మండల రెవెన్యూ అధికారి) లకు తెలియజేసినా సమస్య పరిష్కారం కాలేదని వారు ఆరోపిస్తున్నారు.

దీంతో గ్రామస్థులు ఉన్నతాధికారులు స్పందించి అల్లికేసంలో శాశ్వత డ్రైనేజీ వ్యవస్థ ఏర్పాటు చేయాలని డిమాండ్ చేస్తున్నారు. తాత్కాలిక పరిష్కారాలు కాకుండా సమస్యను పూర్తిగా నివారించే చర్యలు తీసుకోవాలని కోరుతున్నారు.