అల్లు అర్జున్ 'రాకా' షూటింగ్ ముంబైలో: రష్మిక విలన్‌గా నటించనున్నట్లు వార్తలు

పుష్ప తర్వాత అల్లు అర్జున్ పూర్తిగా 'రాకా' సినిమాపై దృష్టి పెట్టారు. అట్లీ దర్శకత్వంలో ఈ చిత్రం ప్రస్తుతం ముంబైలో చిత్రీకరణ జరుపుకుంటోంది.

దీపికా పడుకోన్ ప్రధాన నాయికగా నటిస్తున్న ఈ సినిమాలో రష్మిక మందన్న విలన్ పాత్ర పోషించనున్నట్లు వార్తలు వచ్చాయి. జాన్వి కపూర్, మృణాల్ ఠాకూర్ కూడా ప్రధాన పాత్రల్లో కనిపించనున్నారు. హాలీవుడ్ సాంకేతిక నిపుణులు ఈ సినిమా కోసం పనిచేస్తున్నారు.

ఇటీవల ముంబైలో కీలక సన్నివేశాలు పూర్తి చేసిన చిత్రబృందం, తదుపరి షెడ్యూల్ కూడా అక్కడే ప్లాన్ చేస్తోంది. ఆ షెడ్యూల్‌లో రష్మిక పాల్గొననున్నారు.

ఈ చిత్రంలో షారుఖ్ ఖాన్ అతిథి పాత్ర చేస్తారనే ప్రచారం కూడా ఉంది. అట్లీ-షారుఖ్ ఖాన్ స్నేహం నేపథ్యంలో ఇది సాధ్యమేనని వర్గాలు అంటున్నాయి. అయితే అధికారిక ప్రకటన ఇంకా రాలేదు. 'రాకా' విడుదల తేదీని కూడా చిత్రయూనిట్ ప్రకటించలేదు.