హుజూరాబాద్ లో కమ్యూనిటీ కాంటాక్ట్ ప్రోగ్రాం; 100 వాహనాలు సీజ్

కరీంనగర్ జిల్లా హుజూరాబాద్ లో పోలీసులు ASP మాధవి ఆధ్వర్యంలో కమ్యూనిటీ కాంటాక్ట్ ప్రోగ్రాం నిర్వహించారు. ఈ కార్యక్రమంలో భాగంగా పోలీసులు అనుమానిత వ్యక్తులను తనిఖీ చేశారు.

సరైన పత్రాలు లేని 100 వాహనాలను సీజ్ చేశారు. డ్రగ్స్, సైబర్ నేరాలు, పోక్సో కేసులపై ప్రజలకు అవగాహన కల్పించారు. గంజాయి వంటి మత్తు పదార్థాలకు దూరంగా ఉండాలని ASP మాధవి సూచించారు.

ఈ కార్యక్రమం రెండు వాడల్లో జరిగింది. కొత్తగా వచ్చిన వ్యక్తుల గుర్తింపు, నేరాల నివారణ, పోలీసులపై ప్రజల్లో నమ్మకం పెంచడం ఈ కార్యక్రమం లక్ష్యమని అధికారులు తెలిపారు. ప్రజలు ఎటువంటి ఇబ్బంది ఉన్నా నేరుగా పోలీస్ స్టేషన్ కు వచ్చి ఫిర్యాదు చేయవచ్చని, మధ్యవర్తులు అవసరం లేదని సూచించారు.

ఈ కార్యక్రమంలో సైబర్ నేరాలు, పోక్సో కేసులపై ప్రత్యేక అవగాహన సమావేశాలు కూడా నిర్వహించారు. పోలీసులు ప్రజలతో ప్రత్యక్షంగా మాట్లాడి వారి సమస్యలు తెలుసుకున్నారు.