జమ్మూ కాశ్మీర్‌లో తిరంగా యాత్రలో పాల్గొన్న శేహ్లా రషీద్, శాంతి అభివృద్ధి కోసం విజ్ఞప్తి

78వ స్వాతంత్య్ర దినోత్సవం సందర్భంగా జమ్మూ కాశ్మీర్‌లోని బడ్గాం జిల్లాలో భారీ తిరంగా యాత్ర జరిగింది. ఈ ర్యాలీలో సామాజిక కార్యకర్త శేహ్లా రషీద్ ఉత్సాహంగా పాల్గొన్నారు. చేతిలో త్రివర్ణ పతాకాన్ని పట్టుకొని, విద్యార్థులతో కలిసి నినాదాలు చేస్తూ ఆమె యాత్రలో నడిచారు.

బడ్గాం డిగ్రీ కళాశాల నుంచి వందలాది మంది ఫ్యాకల్టీ, విద్యార్థులు ఈ యాత్రలో చేరారు. ఉదయం 4 గంటలకే ఇళ్ల నుంచి బయలుదేరిన విద్యార్థులు, సృజనాత్మక బ్యానర్లు, ప్లకార్డులు పట్టుకొని జాతీయ జెండా రంగుల దుస్తుల్లో హాజరయ్యారు. స్వాతంత్య్ర వేడుకల ముందస్తు ప్రదర్శనల్లో భాగంగా ఏర్పాటైన ఈ యాత్రలో వివిధ సంస్కృతుల విద్యార్థులు ఒకే వేదికపై పాల్గొనడం విశేషం.

తిరంగా యాత్ర అనంతరం శేహ్లా రషీద్ మాట్లాడుతూ, ‘ఇలాంటి కార్యక్రమాలు సమాజంలో సామరస్యాన్ని పెంచుతాయి. అందరికీ శాంతి, సంపద, ఉపాధి అవకాశాలు కావాలి’ అని సందేశం ఇచ్చారు. ప్రస్తుతం యువత దేశాభివృద్ధికి చురుగ్గా ముందుకు రావాలని ఆమె పిలుపునిచ్చారు.

ఈ యాత్రలో కళాశాల నుంచి వచ్చిన విద్యార్థులు సంప్రదాయ వేషధారణలతో, నృత్య ప్రదర్శనలతో అలరించారు. స్వాతంత్య్ర దినోత్సవాన్ని పురస్కరించుకొని జమ్మూ కాశ్మీర్‌లోని పలు విద్యాసంస్థలు ఇలాంటి కార్యక్రమాలు నిర్వహిస్తున్నాయి.