అమితాబ్ బచ్చన్ బంగ్లాకు బాంబు బెదిరింపు: ముంబైలో పలు చోట్ల పోలీసుల తనిఖీలు

నటుడు అమితాబ్ బచ్చన్ బంగ్లాతో పాటు ముంబైలోని పలు ప్రముఖ ప్రాంతాలకు బాంబు బెదిరింపు ఈమెయిల్లు వచ్చాయి. దీంతో ముంబై పోలీసులు అప్రమత్తమయ్యారు.

బాంబే హైకోర్టు, బాంబే స్టాక్ ఎక్స్‌చేంజ్ భవనాలు, వర్లీ రేస్ కోర్స్ ప్రాంగణంలో పేలుడు పదార్థాలు అమర్చినట్టు గుర్తు తెలియని వ్యక్తులు ఈమెయిల్ పంపారు. ఆయా ప్రాంతాల్లో పోలీసులు తనిఖీలు చేపట్టారు. అనుమానాస్పద వస్తువులు ఏవీ లభించలేదని పోలీసులు తెలిపారు.

ఈమెయిల్ పంపిన వ్యక్తులపై కేసు నమోదు చేసి దర్యాప్తు చేపట్టినట్టు పోలీసులు వెల్లడించారు.

అమితాబ్‌కు బాంబు బెదిరింపు రావడం ఇటీవల కాలంలో ఇది రెండోసారి. అక్టోబర్ 22న ఆయనపై దాడి చేస్తామంటూ ఓ పాఠశాలకు ఈమెయిల్ పంపారు.

నటుడు టైగర్ షరాఫ్‌కు సంబంధించిన కాల్పుల ఘటనతో సహా ఇటీవల పలు బెదిరింపుల నేపథ్యంలో అమితాబ్ తన భద్రతను పెంచుకున్నారు. తన నివాసంలో బుల్లెట్ ప్రూఫ్ గ్లాస్ వెనక నుంచి అభిమానులకు అభివాదం చేశారు.