విజయవాడలో ఆంధ్రా పికిల్ బాల్ లీగ్-2026 ప్రారంభం

విజయవాడలోని నైట్రో పికిల్ కేఫ్లో ఆంధ్రా పికిల్ బాల్ లీగ్-2026 ప్రారంభమైంది. ఫ్రాంచైజీ ప్రతినిధి సినీ నటి నిహారిక జ్యోతి జ్యోతి ప్రజ్వలన చేశారు. APL చీఫ్ పాట్రన్ సుజయ్ కృష్ణ రంగారావు లీగ్ను ప్రారంభించారు.

ఈ లీగ్ మొత్తం నాలుగు వారాల పాటు విజయవాడ, విశాఖపట్నం నగరాల్లో జరుగుతుంది. తొలి రెండు వారాలు విజయవాడలో పోటీలు నిర్వహిస్తారు. తర్వాత రెండు వారాలు విశాఖలో జరుగుతాయి. ఎనిమిది జట్లు పాల్గొంటున్నాయి. ప్రతి జట్టులో 10 మంది ఆటగాళ్లు ఉంటారు.

ఈ నెల 23న విశాఖలో జరిగిన వేలంలో 200 మంది జాతీయ, అంతర్జాతీయ క్రీడాకారులు రిజిస్ట్రేషన్ చేసుకున్నారు. ఫ్రాంచైజీలు 88 మంది ఆటగాళ్లను ఎంపిక చేసుకున్నాయి. ఎనిమిది మంది ఇండియా టాప్ ఐకాన్ ప్లేయర్లను ఒక్కొక్కరిని ₹3 లక్షలకు తీసుకున్నాయి. ఎనిమిది మంది ఆంధ్ర వైస్ కెప్టెన్లను కూడా ఎంపిక చేశాయి.

విశాఖలోని GITAM యూనివర్సిటీ ప్రాంగణంలో గ్రాండ్ ఫినాలే నిర్వహిస్తామని నిర్వాహకులు తెలిపారు. ఈ లీగ్ ఫ్రాంచైజీ ఆధారితంగా నడుస్తుందని వారు చెప్పారు.

నెల్లూర్ బుల్స్ జట్టు తమ తొలి మ్యాచ్ గెలిచినట్టు జట్టు ప్రతినిధులు తెలిపారు. ఈ లీగ్ ద్వారా భవిష్యత్తులో ఏపీ, తెలంగాణ నుంచి వచ్చే ప్లేయర్లకు దేశస్థాయి లీగ్లలో అవకాశాలు వస్తాయని నిర్వాహకులు ఆశాభావం వ్యక్తం చేశారు.