విదేశీ వస్తువులు వద్దు, స్థానిక ఉత్పత్తులే కొనాలి: అంకుష్ ముదిరాజ్

దీపావళి సందర్భంగా ప్రధాని నరేంద్ర మోదీ పిలుపునిచ్చిన Vocal for Local కార్యక్రమానికి ప్రజలు మద్దతు ఇవ్వాలని BJP అబ్దుల్లాపూర్‌మెట్ మండల అధ్యక్షుడు అంకుష్ ముదిరాజ్ కోరారు. స్థానిక ఉత్పత్తులు కొనడం ద్వారా చిరు వ్యాపారులకు ఉపాధి కల్పించవచ్చని ఆయన అన్నారు.

ఈ కార్యక్రమాన్ని మండలంలోని యువమోర్చ ఆధ్వర్యంలో నిర్వహించారు. విదేశీ వస్తువులకు బదులు స్వదేశీ ఉత్పత్తులను ప్రోత్సహించాలని ఆయన పిలుపునిచ్చారు. స్థానిక వ్యాపారులకు అండగా నిలిచి దీపావళి జరుపుకోవాలని సూచించారు.

పటాకుల విషయంలోనూ ఆయన స్పష్టం చేశారు. విదేశీ క్రాకర్లకు బదులు స్థానికంగా తయారైన వాటిని కొనాలని చెప్పారు. ఎలక్ట్రానిక్ దీపాలకు బదులు కుమ్మరులు చేసిన మట్టి దీపాలను వాడాలని సూచించారు.

కులవృత్తులు, చేనేత కార్మికులు, చిన్న వ్యాపారుల కోసం కేంద్ర ప్రభుత్వం అనేక పథకాలు అమలు చేస్తోందని అంకుష్ ముదిరాజ్ తెలిపారు. వాటిలో విశ్వకర్మ యోజన కూడా ఉందని ఆయన పేర్కొన్నారు. ఈ పథకాలను స్థానికంగా ఉన్న వారందరికీ అందించేందుకు ముందు ముందు మరిన్ని కార్యక్రమాలు చేపడతామని చెప్పారు. రాష్ట్ర ప్రజలకు, మండల ప్రజలకు దీపావళి శుభాకాంక్షలు తెలిపారు.