చౌటుప్పల్‌లోని అమ్మనాన్న అనాథ ఆశ్రమంలో అన్నదాన కార్యక్రమం

హైదరాబాద్‌కు చెందిన లోకనాథం చౌటుప్పల్‌లోని అమ్మనాన్న అనాథ ఆశ్రమంలో అన్నదాన కార్యక్రమం నిర్వహించారు. తన పిల్లలు శ్రావణ్, శ్రావణి పుట్టినరోజు సందర్భంగా ఈ కార్యక్రమం చేపట్టారు.

ఇది ఆయనకు రెండోసారి. గతేడాది ఏప్రిల్‌లో కొడుకు పెళ్లి రోజున కూడా ఇక్కడికి వచ్చారు. అప్పటితో పోలిస్తే ఆశ్రమంలో చాలా అభివృద్ధి కనిపించిందని ఆయన చెప్పారు.

ఆయన మిత్రుడు విష్ణుమూర్తి తొలిసారి ఇక్కడికి వచ్చారు. ఆశ్రమంలో ఆలయం, వైద్య సదుపాయాలు ఉన్నాయని పేర్కొన్నారు. అనారోగ్యం ఉన్నవారిని పెద్ద ఆసుపత్రులకు తరలించే ఏర్పాటు ఉందని చెప్పారు. అన్నదానం, ధనం, ధాన్యం రూపంలో దాతలు సేవ చేయవచ్చని తెలిపారు.