అన్నమయ్య జిల్లాలో ఏటీఎం యంత్రం చోరీ: పోలీసులు గాలింపు

అన్నమయ్య జిల్లా మదనపల్లిలో ఏటీఎం యంత్రం చోరీ జరిగింది. మదనపల్లి ఇండస్ట్రియల్ ఎస్టేట్‌లోని శివాజీనగర్‌లో ఉన్న ఏటీఎం కేంద్రాన్ని అర్ధరాత్రి దుండగులు లక్ష్యంగా చేసుకున్నారు. ఏటీఎం మొత్తాన్ని ఎత్తుకెళ్లారు.

బలేరో వాహనంలో దుండగులు ఏటీఎం యంత్రాన్ని తరలించినట్లు పోలీసులు అనుమానిస్తున్నారు. ఆ తర్వాత మరో వాహనంలోకి మార్చి ఉండవచ్చని భావిస్తున్నారు. సమాచారం అందుకున్న జిల్లా ఎస్పీ పోలీసు బృందాలను అప్రమత్తం చేశారు.

ప్రత్యేక బృందాలు హైవేలు, అనుమానిత మార్గాల్లో గాలింపు చేపట్టాయి. చోరీకి పాల్పడిన వారి ఆచూకీ కోసం దర్యాప్తు కొనసాగుతోంది.