AP తీరం వైపు మరో అల్పపీడనం.. నవంబర్ 1, 2 తేదీల్లో వాయుగుండంగా మారే అవకాశం

దక్షిణ అండమాన్ సముద్రంలో కొత్త అల్పపీడనం ఏర్పడింది. ఇది పశ్చిమ వాయువ్య దిశగా కదులుతోంది. నవంబర్ 1, 2 తేదీల్లో ఇది వాయుగుండంగా మారే అవకాశం ఉందని భారత వాతావరణ శాఖ (IMD) అంచనా వేసింది.

ఇవాళ ఈ అల్పపీడనం ఆగ్నేయ బంగాళాఖాతం, అండమాన్ నికోబార్ దీవుల సమీపంలో వాయుగుండంగా బలపడే అవకాశం ఉంది. ఆ తర్వాత రెండు రోజుల పాటు పశ్చిమ వాయువ్య దిశగా కదులుతూ ఆంధ్రప్రదేశ్ తీరం వైపు రావచ్చని IMD తెలిపింది. అర్ణబ్ తుఫాన్ ప్రభావం నుంచి AP ఇప్పుడిప్పుడే కోలుకుంటున్న తరుణంలో ఈ కొత్త అల్పపీడనం కదలికలు మొదలయ్యాయి.

దీనిపై వాతావరణ నమూనాలు వేర్వేరు అంచనాలు ఇస్తున్నాయి. కొన్ని నమూనాలు ఇది వాయుగుండంగా బలపడుతుందని సూచిస్తున్నాయి. మరికొన్ని అల్పపీడనం లేదా బలమైన అల్పపీడనం స్థాయిలోనే ఉండొచ్చని అంచనా వేస్తున్నాయి. సముద్ర ఉపరితల ఉష్ణోగ్రతలు సుమారు 29 డిగ్రీల సెల్సియస్‌గా నమోదయ్యాయి.

అర్ణబ్ తుఫాన్ ఇప్పుడు ఉత్తర ఛత్తీస్‌గఢ్, తూర్పు మధ్యప్రదేశ్ పరిసరాల్లో కొనసాగుతోంది. దీని ప్రభావంతో బీహార్, జార్ఖండ్, పశ్చిమ బెంగాల్, అస్సాం ప్రాంతాల్లో వర్షాలు కురిసే అవకాశం ఉంది.