అర్ణబ్ తుఫాను ప్రభావం: ఒడిశాలో భారీ వర్షాలు, కొండచర్యలతో రవాణా స్తంభన

అర్ణబ్ తుఫాను ప్రభావంతో ఒడిశాలో భారీ వర్షాలు కురుస్తున్నాయి. గజపతి, గంజాం సరిహద్దుల్లోని తప్తపాని ఘాట్ వద్ద భారీగా కొండచర్యలు విరిగిపడ్డాయి. కొండపై నుంచి పెద్ద బండరాలు, మట్టి రోడ్డుపైకి దూసుకొచ్చాయి. వరద నీరు ఉధృతంగా ప్రవహిస్తుండటంతో ఈ మార్గంలో రవాణా పూర్తిగా నిలిచిపోయింది.

ఖంతమాల్ జిల్లాలోని పలు ప్రాంతాల్లోనూ కొండచర్యలు విరిగిపడ్డాయి. కుహాబాడ గ్రామం తీవ్రంగా ప్రభావితమైంది. కళంగా ఘాట్ మార్గంలో వాహనాల రాకపోకలు పూర్తిగా ఆగిపోయాయి.

గజపతి జిల్లా మొహానా పరిధిలోని లేడ్ బంద్ వద్ద బ్రహ్మపూర్‌ను దక్షిణ ఒడిశాతో కలిపే జాతీయ రహదారి 326 తీవ్రంగా దెబ్బతింది. వరద ఉధృతికి హైవేలోని కొన్ని భాగాలు కొట్టుకుపోయాయి. దీంతో ఆ మార్గంలో రాకపోకలు పూర్తిగా నిలిచిపోయాయి.

ఆయా ప్రాంతాల్లో అధికారులు వాహనాల రాకపోకలను నిలిపివేశారు. ప్రయాణికులు ప్రత్యామ్నాయ మార్గాల్లో వెళ్లాలని సూచించారు. రోడ్డుపై పేరుకుపోయిన బండరాలు, మట్టిని తొలగించేందుకు విపత్తు నిర్వహణ బృందాలు JCB యంత్రాలతో పని చేస్తున్నాయి. నిరంతరాయంగా కురుస్తున్న వర్షాలు, ప్రవహిస్తున్న వరద నీరు సహాయక చర్యలకు అడ్డంకిగా మారుతున్నాయి.