విద్యార్థులు, యువత మత్తు పదార్థాలకు దూరంగా ఉండాలి: SI ఉదయ్ కిరణ్

మంచిర్యాల జిల్లా జన్నారం మండల కేంద్రంలో ఎస్ఐ ఉదయ్ కిరణ్ ఆధ్వర్యంలో డ్రగ్స్పై అవగాహన ర్యాలీ నిర్వహించారు. స్థానిక పాఠశాల విద్యార్థులు భారీగా పాల్గొన్నారు.

రామాలయం నుంచి bus stand వరకు ఈ ర్యాలీ సాగింది. అనంతరం bus stand వద్ద విద్యార్థులతో భారీ మానవహారం ఏర్పాటు చేశారు.

ఈ సందర్భంగా SI ఉదయ్ కిరణ్ మాట్లాడారు. మత్తు పదార్థాల వినియోగం ఆరోగ్యాన్ని దెబ్బతీస్తుందని అన్నారు. డ్రగ్స్ అలవాటు కుటుంబాలు, సమాజంపై తీవ్ర ప్రభావం చూపుతుందని వివరించారు. విద్యార్థులు తమ లక్ష్యాలపై దృష్టి సారించి మంచి భవిష్యత్తు కోసం కృషి చేయాలని సూచించారు.

గంజాయి, ఇతర మత్తు పదార్థాల సమాచారం ఏదైనా ఉంటే పోలీసులకు తెలియజేయాలని ఆయన ప్రజలను కోరారు. పిల్లలు చెడు అలవాట్లకు బానిస కాకుండా తల్లిదండ్రులు గమనించాలని సూచించారు. DGP, CP, DCP, ASP ఆదేశాల మేరకు ఈ కార్యక్రమం నిర్వహించినట్లు తెలిపారు.