మలయాళ 'దృశ్యం' ఫ్రాంచైజీలో పార్ట్ 4 ప్రకటించిన నిర్మాత ఆంటోనీ పెరంబవోర్

మలయాళ 'దృశ్యం' ఫ్రాంచైజీకి నాలుగో భాగం నిర్మిస్తారని నిర్మాత ఆంటోనీ పెరంబవోర్ ప్రకటించారు. ఈ చిత్రానికి జీతు జోసెఫ్ దర్శకత్వం వహిస్తారని ఆయన తెలిపారు.

మలయాళంలో మోహన్‌లాల్ ప్రధాన పాత్రలో ఇప్పటివరకు మూడు 'దృశ్యం' సినిమాలు విడుదలయ్యాయి. తమిళంలో ఒక భాగం, తెలుగు, కన్నడ భాషల్లో రెండు భాగాలు వచ్చాయి. మూడో భాగాన్ని దక్షిణాది అంతటా విడుదల చేశారు.

హిందీలో అజయ్ దేవగన్, శ్రియా నటించే మూడో భాగానికి 'Drishyam: The Conclusion' అనే టైటిల్ ఖరారు చేశారు. ఈ చిత్రాన్ని అక్టోబర్ 2న విడుదల చేస్తున్నట్లు పోస్టర్ ద్వారా మేకర్స్ తెలిపారు.

పార్ట్ 4 ప్రకటనపై సోషల్ మీడియాలో భిన్న స్పందనలు వస్తున్నాయి. ముగిసిన కథకు సీక్వెల్ అవసరమా అని కొందరు కామెంట్ చేస్తున్నారు. పార్ట్ 4 తారాగణం, విడుదల తేదీని నిర్మాత ఇంకా ప్రకటించలేదు.