నేపాల్ వరదల్లో 4-5 రోజుల తర్వాత మూడేళ్ల బాలిక రక్షణ

నేపాల్‌లో వరదలు సంభవించిన 4-5 రోజుల తర్వాత ఓ మూడేళ్ల బాలికను రక్షణ సిబ్బంది బతికే బయటకు తీశారు. వరద ప్రభావిత ప్రాంతంలో రక్షణ చర్యలు ఇప్పటికీ కొనసాగుతున్నాయి.

రక్షణ సిబ్బంది ఆ ప్రాంతంలో పని చేస్తుండగా కొంత దూరంలో ఏడుపు శబ్దం వినిపించింది. వెళ్లి చూడగా బురదలో కూరుకుపోయిన బాలిక కనిపించింది. ఆమె శరీరమంతా ఎండిన బురదతో నిండి ఉంది.

సిబ్బంది వెంటనే బాలికను బయటకు తీశారు. శరీరాన్ని శుభ్రం చేసి ఆహారం తినిపించారు. ఆ తర్వాత ఆమె ఆరోగ్యం విషమంగా ఉండటంతో ఆస్పత్రికి తరలించారు.

వరదల్లో చాలామంది కుటుంబాలు విడిపోయాయి. కొంతమంది ప్రాణాలతో బయటపడుతుండగా, మరికొందరి మృతదేహాలు లభిస్తున్నాయి. ఈ బాలిక రక్షణపై స్థానికులు ఆశ్చర్యం వ్యక్తం చేశారు.