బెంగళూరు–విజయవాడ ఎయిర్ ఇండియా విమానం ఆలస్యం; ప్రయాణికుల్లో ఏపీ రవాణా మంత్రి

బెంగళూరు నుంచి విజయవాడకు రావాల్సిన Air India విమానం సోమవారం ఉదయం 7 గంటలకు బయలుదేరాల్సి ఉంది. కానీ ఆ విమానం ఇప్పటివరకు బెంగళూరు విమానాశ్రయం నుంచి బయలుదేరలేదు. దీంతో ప్రయాణికులు ఆందోళన వ్యక్తం చేస్తున్నారు.

ఈ విమానంలో ఏపీ రవాణా శాఖ మంత్రి మండిపల్లి రామప్రసాద్ రెడ్డితో పాటు పలువురు వ్యాపారులు, అధికారులు, కుటుంబ సభ్యులతో ప్రయాణిస్తున్న వారు ఉన్నారు. ఎయిర్‌లైన్ సిబ్బంది ఆలస్యానికి కారణం చెప్పడం లేదని, ప్రత్యామ్నాయ ఏర్పాట్లపై సమాచారం ఇవ్వడం లేదని ప్రయాణికులు చెబుతున్నారు.

మంత్రి రామప్రసాద్ రెడ్డికి ఈరోజు ఉదయం 10 గంటలకల్లా విజయవాడలో ముఖ్యమైన సమావేశాలు ఉన్నాయని ప్రయాణికులు తెలిపారు. కొందరు ప్రయాణికులు ఈ విషయాన్ని కేంద్ర పౌర విమానయాన శాఖ మంత్రి రామ్మోహన్ నాయుడు దృష్టికి తీసుకెళ్లేందుకు ప్రయత్నిస్తున్నారు. ఈ విషయంపై Air India అధికారిక స్పందన ఇంకా రాలేదు.