ఏపీ విమానాశ్రయాల్లో మద్యం అమ్మకాలకు గ్రీన్ సిగ్నల్

ఆంధ్రప్రదేశ్ ప్రభుత్వం విమానాశ్రయాల్లో మద్యం అమ్మకాలకు అనుమతినిచ్చింది. కొత్త ఎక్సైజ్ విధానంలో భాగంగా విమానాశ్రయాల్లో బార్లు, వైన్ షాపుల ఏర్పాటుకు గ్రీన్ సిగ్నల్ ఇచ్చారు.

తిరుపతి సహా రాష్ట్రంలోని అన్ని విమానాశ్రయాల్లో ఈ సదుపాయం అందుబాటులోకి రానుంది. బార్లు, వైన్ షాపులు రోజుకు 24 గంటలూ పనిచేయడానికి ప్రభుత్వం అనుమతించినట్లు అధికారులు తెలిపారు.

వైన్ షాప్ లైసెన్స్ కోసం ఫీజు రూ.2 లక్షలుగా నిర్ణయించారు. బార్ లైసెన్స్ ఫీజును ప్రయాణికుల రద్దీని బట్టి రూపొందించారు. తక్కువ రద్దీ ఉండే విమానాశ్రయాల్లో బార్ లైసెన్స్‌కు రూ.2 కోట్లు, ఎక్కువ రద్దీ ఉండే వాటిలో అంతకంటే ఎక్కువ ఫీజు వసూలు చేయనున్నట్లు ఎక్సైజ్ శాఖ వర్గాలు తెలిపాయి.

ఈ కొత్త విధానం ఇటీవల అమలులోకి వచ్చిన 2025-26 ఎక్సైజ్ పాలసీలో భాగం.