AP RTC కి తొలి దశలో 750 కొత్త బస్సులు, ప్రైవేటీకరణ లేదు: మంత్రి రాంప్రసాద్ రెడ్డి

ఏపీ రాష్ట్ర రోడ్డు రవాణా సంస్థ (APSRTC) ప్రైవేటీకరణ జరగడం లేదని, తొలి దశలో 750 కొత్త బస్సులు ప్రయాణికుల సేవలోకి వస్తాయని రవాణా శాఖ మంత్రి మండిపల్లి రాంప్రసాద్ రెడ్డి తెలిపారు.

ఈ మేరకు ఆయన మంగళవారం మాట్లాడుతూ, ఏపీఎస్ఆర్టీసీని ప్రైవేటీకరించాలన్న ప్రతిపక్షాల ఆరోపణలు నిరాధారమని స్పష్టం చేశారు. 750 బస్సులను మొదటి దశలో వివిధ రూట్లలో ఏర్పాటు చేసి ప్రయాణికులకు మెరుగైన సేవలందిస్తామని చెప్పారు.

APSRTC లో ప్రస్తుతం బస్సుల కొరత ఉండడంతో పాటు, గతంలో ప్రైవేటీకరణకు సంబంధించి చర్చ జరిగింది. ఈ నేపథ్యంలో మంత్రి వ్యాఖ్యలు ప్రాధాన్యం సంతరించుకున్నాయి.