AP, తెలంగాణలో తీవ్ర వడగాలులు — 95 మండలాల్లో 42°C పైగా

ఆంధ్రప్రదేశ్‌లో తీవ్రమైన వడగాలులు కొనసాగుతున్నాయి. కృష్ణా జిల్లా కానుమూలులో 45.8°C, అనకాపల్లి జిల్లా మాకవరపాలెంలో 45.5°C ఉష్ణోగ్రతలు నమోదయ్యాయని రాష్ట్ర విపత్తుల నిర్వహణ సంస్థ తెలిపింది.

రాష్ట్రంలో 13 జిల్లాల పరిధిలోని 95 మండలాల్లో 42°C పైగా ఉష్ణోగ్రతలు నమోదయ్యాయి. ఇవాళ 21 మండలాల్లో తీవ్ర వడగాలులు, 214 మండలాల్లో సాధారణ వడగాలుల ప్రభావం ఉంటుందని అంచనా.

ఏలూరు, కృష్ణా, NTR, గుంటూరు, బాపట్ల, పల్నాడు, ప్రకాశం, శ్రీ పొట్టి శ్రీరాములు నెల్లూరు జిల్లాల్లో 45°C నుండి 46°C వరకు ఉష్ణోగ్రతలు నమోదయ్యే అవకాశం ఉంది.

తెలంగాణలోనూ ఉష్ణోగ్రతలు అధికంగా ఉన్నాయి. నిన్న 32 జిల్లాల్లో 40.3°C నుండి 46.3°C మధ్య ఉష్ణోగ్రతలు రికార్డ్ అయ్యాయి. ఏడు జిల్లాల్లో 46.1°C నుండి 46.3°C వరకు, తొమ్మిది జిల్లాల్లో 45.1°C నుండి 45.9°C వరకు ఉష్ణోగ్రతలు నమోదయ్యాయి.